மாற்றுத்திறன் மருத்துவ மதிப்பீட்டு முகாம்
அருப்புக்கோட்டை, : அருப்புக்கோட்டை சி.எஸ்.ஐ., பெண்கள் மேல்நிலைப் பள்ளியில் வட்டார வள மையத்திற்கு உட்பட்ட மாற்று திறன் மாணவர்களுக்கான மருத்துவ மதிப்பீட்டு முகாம் நடந்தது.இதில் அறிவுசார் குறைபாடு காது கேளாமை கை கால் குறைபாடு பார்வை குறைபாடு கொண்ட 127 மாணவர்கள் கலந்து கொண்டனர். ஏற்பாடுகளை மேற்பார்வையாளர் அருஞ்சுனைமணி, ஒருங்கிணைப்பாளர் வள்ளி இந்திரா, ஆசிரியர் பயிற்றுநர்கள் செய்தனர்.சிறப்பு பயிற்றுனர்கள் கார்த்திகை ஜோதி, ஜெய கிறிஸ்டி, மீனாள், பொற்கொடி, வெர்ஜீனியா, இயன்முறை மருத்துவர் செல்வம் ஆகியோர் முகாமை நடத்தினர்.