வர்த்தக சிலிண்டர் விலை ரூ.38 அதிகரிப்பு
சென்னை: இந்தியன் ஆயில், பாரத், ஹிந்துஸ்தான் பெட்ரோலியம் எண்ணெய் நிறுவனங்கள், வீடுகளுக்கு 14.20 கிலோ எடையிலும், வணிக பயன்பாட்டிற்கு 19 கிலோ எடையிலும், சமையல் காஸ் சிலிண்டர்களை விற்பனை செய்கின்றன. இந்நிறுவனங்கள், மாதத்தின் முதல் நாளன்று, உள்நாட்டில் சமையல் காஸ் சிலிண்டர் விலையில் மாற்றம் செய்கின்றன. அதன்படி, தமிழகத்தில் இம்மாதம் வீட்டு சிலிண்டர் விலை, 818.50 ரூபாயாக நிர்ண யம் செய்யப்பட்டுள்ளது. கடந்த மாதமும் இதே விலைக்கு விற்கப்பட்டது. கடந்த மாதம் வணிக சிலிண்டர் 1,817 ரூபாய்க்கு விற்கப்பட்டது. இம்மாதம் அதன் விலை, 38 ரூபாய் உயர்ந்து, 1,855 ரூபாயாக நிர்ணயம் செய்யப்பட்டுள்ளது.