தலைமை செயலக சங்கமும் ஆதரவு

மத்திய அரசு அறிவித்துள்ள ஒருங்கிணைந்த ஓய்வூதிய திட்டத்தை, தமிழ்நாடு தலைமை செயலக சங்கம் வரவேற்றுள்ளது.சங்க தலைவர் வெங்கடேசன் அறிக்கை:லோக்சபா தேர்தலின்போது, பழைய ஓய்வூதிய திட்டத்தை நடைமுறைப்படுத்துவது தொடர்பாக, பா.ஜ., எந்தவொரு வாக்குறுதியும் அளிக்கவில்லை. மீண்டும் மூன்றாவது முறையாக ஆட்சியில் அமர்ந்த பின், ஒருங்கிணைந்த ஓய்வூதியம் மற்றும் குடும்ப ஓய்வூதியத்தை, 2025 ஏப்., 1 முதல் நடைமுறைப்படுத்தும் அறிவிப்பை வெளியிட்டுள்ளது.ஆட்சி பொறுப்பேற்று, 40 மாதங்கள் கடந்த நிலையில், தேர்தல் வாக்குறுதியான, பழைய ஓய்வூதிய திட்டத்தை எள்ளளவும் மாற்றமின்றி, தி.மு.க., அமல்படுத்த வேண்டும்.இவ்வாறு அதில் கூறப்பட்டுள்ளது.