த.வெ.க.,வில் 2 கோடி பேரை சேர்க்க செயலி
சென்னை:இரண்டு கோடி உறுப்பினர் சேர்க்கைக்கு, புதிய மொபைல் போன் செயலியை, த.வெ.க., அறிமுகம் செய்யவுள்ளது.நடிகர் விஜய் துவங்கியுள்ள தமிழக வெற்றிக் கழகத்திற்கு, 2 கோடி உறுப்பினர்களை சேர்க்க திட்டமிடப்பட்டு உள்ளது. இதற்காக தனியாக மொபைல் போன் செயலி உருவாக்கப்பட்டு உள்ளது. இதன் மூலமாக உறுப்பினர் சேர்க்கை நடத்துவது குறித்து, தகவல் தொழில்நுட்ப அணியினருக்கு பயிற்சி வழங்கப்பட்டுள்ளது. இந்த செயலியை, த.வெ.க., தலைவர் விஜய், விரைவில் துவங்கி வைக்கவுள்ளார். இதனுடன் தன் பிரசார திட்டம் குறித்த முக்கிய அறிவிப்புகளையும், அவர் வெளியிடவுள்ளார்.