வணிக சிலிண்டர் ரூ.16.50 உயர்வு

சென்னை: தமிழகத்தில், இம்மாதம் வீட்டு சமையல் காஸ் சிலிண்டர் விலையில் மாற்றம் செய்யப்படவில்லை. வணிக சிலிண்டர் விலை மட்டும், 16.50 ரூபாய் உயர்ந்துள்ளது. பொதுத்துறையை சேர்ந்த இந்தியன் ஆயில், பாரத், ஹிந்துஸ்தான் பெட்ரோலியம் எண்ணெய் நிறுவனங்கள், வீடுகளுக்கு, 14.20 கிலோ எடையிலும், வணிக பயன்பாட்டிற்கு, 19 கிலோ எடையிலும் சமையல் காஸ் சிலிண்டர்களை வினியோகம் செய்கின்றன. இந்நிறுவனங்கள், சர்வதேச சந்தையில் நிலவும் கச்சா எண்ணெய் விலைக்கு ஏற்ப, மாதத்தின் முதல் நாளன்று, உள்நாட்டில் சமையல் காஸ் சிலிண்டர் விலையில் மாற்றம் செய்கின்றன. இம்மாதம் வீட்டு சமையல் காஸ் சிலிண்டர் விலையில் மாற்றம் செய்யவில்லை. கடந்த மாதம் விற்பனையான, 868.50 ரூபாயே இம்மாதமும் நிர்ணயிக்கப்பட்டுள்ளது. கடந்த மாதம் வணிக சிலிண்டர், 1,738 ரூபாய்க்கு விற்பனையானது. இம்மாதம் அதன் விலை, 16.50 ரூபாய் உயர்ந்து, 1,754.50 ரூபாயாக நிர்ணயம் செய்யப்பட்டுள்ளது.