வணிக காஸ் சிலிண்டர் ரூ.34.50 குறைவு
சென்னை:தமிழகத்தில் இம்மாதம் வீட்டு சமையல் காஸ் சிலிண்டர் விலையில் மாற்றம் செய்யப்படவில்லை. அதேநேரத்தில், வணிக காஸ் சிலிண்டர் விலை, 34 ரூபாய், 50 காசு குறைந்துள்ளது. தமிழகத்தில் கடந்த மாதம் வீட்டு சிலிண்டர், 868 ரூபாய் 50 காசுக்கு விற்கப்பட்டது. இம்மாதம் அதன் விலையில் மாற்றம் செய்யப்படவில்லை. இந்த விலைக்கு சிலிண்டர் வாங்கியதும், வாடிக்கையாளர்களின் வங்கி கணக்கில், மத்திய அரசின் மானிய தொகையை எண்ணெய் நிறுவனங்கள் செலுத்தும். கடந்த மாதம் வணிக சிலிண்டர் 1823.50 ரூபாய்க்கு விற்கப்பட்டது. இம்மாதம் அதன் விலை, 34.50 ரூபாய் குறைந்து, 1789 ரூபாயாக நிர்ணயம் செய்யப்பட்டு உள்ளது.