உள்ளூர் செய்திகள்

/ செய்திகள் / தமிழகம் / ரயில் பெட்டிகளின் மீது சோலார் தகடு பொருத்தி மின்சாரம் உற்பத்தி

ரயில் பெட்டிகளின் மீது சோலார் தகடு பொருத்தி மின்சாரம் உற்பத்தி

சென்னை: வடக்கு மத்திய ரயில்வேயில், இரண்டு ரயில் பெட்டிகளின் மேற்பகுதியில், 'சோலார்' எனப்படும் சூரிய சக்தி மின் சாதனம் பொருத்தி, மின்சாரம் உற்பத்தி செய்யப்பட்டுள்ளது. ரயில்வே சார்பில், கரியமில வாயுவை குறைக்கும் வகையில், பல்வேறு திட்டங்கள் செயல்படுத்தப்படுகின்றன. ரயில்வேக்கு சொந்தமான இடங்களில், சூரிய சக்தி மின் சாதனம், காற்றாலைகள் அமைத்து, மின் உற்பத்தி செய்யப்பட்டு பயன்படுத்தப்படுகிறது. குறிப்பாக, ரயில் நிலையங்களின் மேற்கூரைகளில், தனியார் பங்களிப்போடு சூரிய சக்தி மின் சாதனங்கள் பொருத்தப்பட்டு, மின்சாரம் உற்பத்தி செய்யப்படுகிறது. அடுத்த கட்டமாக, ரயில் பெட்டிகளில் சூரிய சக்தி மின் சாதனங்கள் பொருத்தி, மின்சாரம் தயாரிக்கும் முயற்சி தொடங்கப்பட்டு உள்ளது. வடக்கு மத்திய ரயில்வே மண்டலத்தில், உத்தர பிரதேச மாநிலம் பிரயாக்ராஜில் தேர்வு செய்யப்பட்ட இரண்டு ரயில் பெட்டிகளின் மேற்கூரைகளில், சூரிய சக்தி மின் சாதனங்கள் பொருத்தப்பட்டு, மின்சாரம் உற்பத்தி செய்யப்பட்டு உள்ளது. இதில் உற்பத்தியாகும் மின்சாரம், பேட்டரிக்கு செல்லும். பின், மின் விளக்குகள், மின் விசிறிகள் மற்றும் மொபைல் சார்ஜிங் வசதிகளுக்கு பயன்படுத்தப்படுகிறது. தற்போது, சோதனை அடிப்படையில், இரண்டு பெட்டிகளில் சூரிய சக்தி மின்சாரம் உற்பத்தி செய்யப்பட்டு, பயன்பாட்டிற்கு கொண்டு வரப்பட்டுள்ளது. இதையடுத்து, இனி மாதந்தோறும் இரண்டு பெட்டிகளில், சூரிய சக்தி மின் சாதனங்கள் பொருத்த திட்டமிடப்பட்டுள்ளது. விரைவில் நாடு முழுதும் இத்திட்டம் விரிவுபடுத்தப்படும் என, ரயில்வே அதிகாரிகள் தெரிவித்தனர்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 8 )

Gajageswari
ஜூலை 27, 2026 05:25

முதலில் ரயில் நிலையங்களில் செய்து முடிக்க வேண்டும். ஆட்கள் நடமாட்டம் இருந்தால் தானாக ஒளிரும் விளக்குகள் ரயில் நிலையங்களில் பொருத்த வேண்டும்


V. Rajan
ஜூலை 25, 2026 18:24

சோலார் பவர் ஒரு முறைசாரா சக்தியாகும் . வெளிச்சம் இல்லாத நேரத்தில் உற்பத்தி இருக்காது. இதை முழுமையாக நம்பினால் இரவில் மின்சார பர்ராக்குறை வரும் . எனவே , பகலில் உற்பத்தியாகும் மின்சாரத்தை சேமிக்க கூடியவகையில் , லித்தியம் பேட்டரி போன்ற நீண்ட நாள் உழைக்க கூடிய பாட்டரிகளை கொண்ட சேமிப்பு நிலையங்களை குறைந்த பட்சம் 4 அல்லது 5 மெகா வாட் உருவாக்கவேண்டும் . ஏற்கனவே ஆந்திர அரசும் , சில தனியார் நிறுவனங்களும் இதை செய்து விட்டார்கள் .


Appan
ஜூலை 25, 2026 17:40

ரில்வாட் பெட்டிகள் வேகமாக செல்ல வடிவு அமைக்க பட்டிருக்கு. இப்படி சோலார் பேனல் வை த்தால் ரயிலின் வேகம், fuel consumption பாதிக்கும்.


Iyer
ஜூலை 25, 2026 14:51

Solar Energy என்பது வற்றவே வற்றாத Energy Source ஆகும் Solar Energy மற்ற Energy Source களுடன் ஒப்பிட்டால் Pollution Level 90% குறைவு பாரதத்தில் பள்ளி கல்லூரிகளில் பாடத்திட்டங்களில் Solar Energy கட்டாயமாக்கப்படவேண்டும்


premkumar
ஜூலை 25, 2026 11:10

ALREADY பழைய ஜன SHATHBIDI கோவை - மயிலாடுதுறை பொறுத்தப்பட்டது ஆனால் LHB ஆனவுடன் அது இல்லை


S. Venugopal
ஜூலை 25, 2026 08:11

ரயில்வே இல் எனர்ஜி ஆடிட் செய்து வேஸ்ட் ஆக போகும் எனர்ஜியை குறைக்க நடவடிக்கை எடுத்தால் நன்று.


Alagu Muthuswamy
ஜூலை 25, 2026 17:36

New invention / Innovative idea is to be appreciated and to be implemented. Energy Audit is already available in Indian railway to improve energy efficiency. Multiple ways India have to go for Green Energy,


V RAMASWAMY
ஜூலை 25, 2026 07:22

Welcome effort, to be followed by all other transport agencies including lorries, taxies and buses. All Government Offices must follow this tem and Malls that consume lot of power also should follow suit.


அதிகம் விமர்ச்சிக்கப்பட்டவை