உள்ளூர் செய்திகள்

/ செய்திகள் / தமிழகம் / திமுக - எம்பிக்கள் ராஜினாமா செய்தால் நானும் ராஜினாமா செய்வேன்: துரை வைகோ

திமுக - எம்பிக்கள் ராஜினாமா செய்தால் நானும் ராஜினாமா செய்வேன்: துரை வைகோ

வாசிக்க நேரம் இல்லையா? செய்தியைக் கேளுங்கள்

Your browser doesn’t support HTML5 audio

திருச்சி: ''திமுக - எம்பிக்கள் தங்கள் பதவியை ராஜினாமா செய்தால், நானும் தயார்,'' என, ம.திமுக முதன்மை செயலர் துரை வைகோ கூறினார்.திருச்சியில் அவர் அளித்த பேட்டி:திருச்சி லோக்சபா தொகுதி எம்பியாக நான் வெற்றி பெற்றதற்கு திமுகவின் பங்கு உள்ளது. அவர்கள் மட்டுமின்றி, கூட்டணி கட்சிகளின் பங்கும் உள்ளது. என்னை எம்பி பதவியை ராஜினாமா செய்ய சொல்லும் திமுக தங்கள் கட்சி எம்பிக்களையும் ராஜினாமா செய்தால், நானும் ராஜினாமா செய்ய தயார். திமுக மீண்டும் தேர்தலை சந்தித்தால், அதற்கு ஒரு எம்பி கூட கிடைக்காது.சட்டசபை தேர்தலில் திமுக கூட்டணியில், ஒரு தொகுதிக்கு குறைந்தது 20 கோடி ரூபாயும், சில முன்னாள் அமைச்சர்கள் தொகுதியில் 100 கோடி ரூபாய் வரையும் செலவிடப்பட்டது. ம.திமுக உள்பட, திமுக கூட்டணியில் இருந்த கட்சிகளுக்கு, 234 தொகுதிகளிலும் எவ்வளவு செலவிடப்பட்டுள்ளது என கணக்கிட்டு கொள்ளுங்கள். ஆனாலும், வெற்றி பெற முடியவில்லை.இறுதியாக அ.திமுகவும், திமுகவும் கூட்டணி வைக்க முடிவு செய்ததை இரு கட்சியினரும் ஏற்கவில்லை. அதனால் தான், அ.திமுக - எம்.எல்.ஏ.,க்கள் ராஜினாமா செய்து, தமிழக வெற்றிக் கழகத்தில் இணைந்து வருகின்றனர். திமுகவில் இருந்து 150க்கும் மேற்பட்ட ஒன்றிய செயலர்கள் உள்பட ஆயிரக்கணக்கானோர் த.வெ.க.,வுக்கு வந்துள்ளனர்.நான், திமுகவையும், அண்ணாதுரையையும், கருணாநிதியையும் மதிக்கிறேன். ஆனால், தற்போது திமுகவின் 'பவர் சென்டர்' ஒரு சிலர் கையில் தான் உள்ளது.பாஜவை எதிர்க்க திமுகவும் தவெகவும் ஒரணியில் சேர வேண்டும் என்ற வி.சி.க., தலைவர் திருமாவளவனின் கருத்து ஏற்படையதல்ல. 'போதையில்லா தமிழகம்' என முதல் மாநாடு நடத்திய அண்ணாமலைக்கு வாழ்த்துக்கள். அவருக்கு பின்னால் பா.ஜ., இருப்பதாக கூறுகிறார்கள். ஆனால், 'ஒவ்வொரு புனிதருக்கும் ஒரு மோசமான வரலாறு உண்டு; ஒரு புனிதமான எதிர்காலம் உண்டு' என்ற ஆங்கிலப் பழமொழியை நினைவுபடுத்த விரும்புகிறேன். இவ்வாறு அவர் கூறினார்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 20 )

Aanand Kanthasamy P
ஜூலை 15, 2026 07:35

நல்ல காலம் பிறக்குது. மதிமுக துரை வைகோ குரல் ஏற்கக்கூடியது.தமிழகத்திற்கு நன்மை பயக்கும். திமுக நாடாளுமன்ற உறுப்பினர்கள் உடனே பதவி விலக வேண்டும். புதிய நாடாளுமன்ற தேர்தலில் நேர்மையான தலைமையில் உறுப்பினர்கள் வெற்றி பெற வேண்டும்.


ramesh
ஜூலை 14, 2026 10:46

அப்பனும் மகனும் மட்டுமே உள்ள 2 ஒட்டு கட்சி . வெக்கமே இல்லாமல் இதில் ராஜினாமா என்று உருட்டல் வேறு


VSMani
ஜூலை 14, 2026 10:24

அ.திமுகவும், திமுகவும் கூட்டணி வைக்க முடிவு செய்ததை இரு கட்சியினரும் ஏற்கவில்லை. அதனால் தான், அ.திமுக - எம்.எல்.ஏ.,க்கள் ராஜினாமா செய்து, தமிழக வெற்றிக் கழகத்தில் இணைந்து வருகின்றனர் என்று துரை வைகோ சொல்கிறார். அப்படி என்றால், ஏன் திமுக எம்.எல்.ஏ.,க்கள் ராஜினாமா செய்து, தமிழக வெற்றிக் கழகத்தில் இணைந்து கொள்ள வரவில்லை?


VSMani
ஜூலை 14, 2026 10:21

அப்பனுக்கும் மகனுக்கும் எவன் காலில் விழுந்தாகிலும் MP ஆகி பதவி சுகம் அனுபவிக்கனும். ஆதரவு கொடுத்தவனை மிகவும் புகழ்வதும், பின் வேறு ஒரு ஆதரவு கிடைத்தவுடன் முன்பு ஆதரவு கொடுத்தவனை கண்டமேனிக்கு திட்டுவதும் அப்பனுக்கும் மகனுக்கும் வழக்கம். இவர்களை எந்த கட்சியிலும் கூட்டணி சேர்க்கவிட்டால் இந்த கட்சி என்றோ காணாமல் போயிருக்கும். அப்பனுக்கும்


V RAMASWAMY
ஜூலை 14, 2026 08:59

திராவிட கட்சிகளில் இருக்கும் குழப்பங்கள், லஞ்சங்கள் குற்றங்கள் குதிரை பேரங்கள் போல மற்ற கட்சிகளில் அதிகம் இல்லை. இம்மாதிரி லஞ்ச லாவண்யங்களுக்காகவும் அடாவடிக்காகவும் தான் மக்கள் இந்த காட்சிகளை புறக்கணிக்கிறார்கள்.


பேசும் தமிழன்
ஜூலை 14, 2026 08:18

அப்படி போடு அரிவாளை... நான் ரெடி.... நீங்க ரெடியா.... விடியல் சார் மற்றும் அவரது மகன் தான் பதில் சொல்ல வேண்டும்.


renga rajan
ஜூலை 14, 2026 07:22

இவர் ஒரு வேலை செய்கிறார். மத்திய அமைச்சர்களிடம் போய் பேசி ஏதோ ஒன்று அவர்கள் செய்ததை தான் செய்ததாக போஸ்டர் ஒட்டுகிறார்


Vaithi
ஜூலை 14, 2026 06:17

அது சரி ராஜா. விஜய் கட்சிக்காக இவளவு பேசும் நீயும், உன் அப்பாவும் கட்சியை களைத்து விட்டு tvk யில் சேர வேண்டியதுதானே. இனி நீங்கள் அறிவாலய கேட் பக்கம் கூட போக முடியாது


Rajarajan
ஜூலை 14, 2026 06:05

அப்போ, மானம், சுயமரியாதை, அண்ணா வழி அப்படி இப்படினு உருட்டறது எல்லாம் ? மற்ற கட்சி தலைவர்களை / பிரதமரை ராஜினாமா செய்யவேண்டும் என சகட்டுமேனிக்கு பேசுவது எல்லாம் ?? நல்ல அப்பா, நல்ல மகன். பாத்துக்கோங்க. இவங்கதான் சுயமரியாதையை தூக்கிப்பிடிக்கும் மனிதர்குல மாணிக்கங்கள்.


Mani . V
ஜூலை 14, 2026 03:33

செப்பல் சாட்? இரும்புக்கை கோப்பால் சார், பாலிடால் சார் கவனிக்கவும்.


சுந்தர்
ஜூலை 14, 2026 08:12

அடிக்கடி செப்பல் சாட்,செப்பல் சாட் எனப் பதிவிடும் சில பேருக்கு பிளைட் ஏறியாச்சும் சிங்கப்பூர் சென்று நாலு செப்பல் சாட் கொடுக்கனும்.