உள்ளூர் செய்திகள்

/ செய்திகள் / தமிழகம் / திமுக அணியிலிருந்து இன்று விலகுகிறது மதிமுக?

திமுக அணியிலிருந்து இன்று விலகுகிறது மதிமுக?

சென்னை: ம.தி.மு.க., உயர்நிலைக்குழு கூட்டம், அக்கட்சி அவை தலைவர் ஆடிட்டர் அர்ஜுனன் தலைமையில், சென்னை எழும்பூரில் உள்ள கட்சி தலைமை அலுவலகமான தாயகத்தில் நேற்று நடந்தது. ம.தி.மு.க., பொதுச்செயலர் வைகோ, முதன்மை செயலர் துரை வைகோ, பொருளாளர் செந்திலதிபன் உட்பட நிர்வாகிகள் பங்கேற்றனர். அதில், நிர்வாகிகள் சிலர் பேசியுள்ளதாவது: சட்டசபை தேர்தலில், தி.மு.க., கூட்டணியில், ம.தி.மு.க.,வுக்கு நான்கு தொகுதிகள் மட்டுமே ஒதுக்கி, உதயசூரியன் சின்னத்தில் போட்டியிடும் வகையில் நெருக்கடி தரப்பட்டது. மேலும், ராஜ்யசபா எம்.பி., பதவியை, வைகோவுக்கு இரண்டாவது முறையாக வழங்கவில்லை. அதே நேரத்தில், ராஜ்யசபா எம்.பி., பதவிகள் தே.மு.தி.க.,வுக்கும், காங்கிரசுக்கும் ஒதுக்கப்பட்டன. ம.தி.மு.க.,வை மட்டும் தி.மு.க., அவமதித்ததாக கருதவில்லை. நீண்ட நெடிய அரசியல் அனுபவத்திற்கு நேர்ந்த அவமதிப்பாகவே கருதுகிறோம். இவ்வாறு அவர்கள் பேசியுள்ளனர். இதையடுத்து, ம.தி.மு.க., பொதுக்குழு கூ ட்டம், சென்னை அண்ணா நகரில் இன்று நடக்க உள்ளது. அதில், 'இனி வரும் தேர்தல்களில் தனி சின்னத்தில் போட்டியிடுவது; தி.மு.க., கூட்டணியை விட்டு விலகுவது; த.வெ.க., அரசுக்கு ஆதரவு அளிப்பது' என்பது உள்ளிட்ட தீர்மானங்கள் நிறைவேற்றப்பட உள்ளதாக தெரிகிறது. கட்சிக்கு முழுக்கு போட்ட எம்.எல்.ஏ., ம.தி.மு.க.,வின் இரு எம்.எல்.ஏ.,க்களில் ஒருவரான சீர்காழி தொகுதியில் வெற்றி பெற்ற செந்தில்செல்வன், கட்சியில் இருந்து விலகி தி.மு.க.,வில் இணைந்து விட்டதாக கூறப்படுகிறது. அதனால், அவர் நேற்று நடந்த கட்சியின் உயர்நிலைக்குழு கூட்டத்திற்கு வரவில்லை. கடையநல்லுார் தொகுதி எம்.எல்.ஏ., ராஜேந்திரன் மட்டும் கூட்டத்தில் பங்கேற்றார்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 25 )

Bhaskaran
ஜூன் 27, 2026 14:10

உன்மகன் எம்பி பதவியை ராஜினாமா செய்ய சொல்லப்பா


ramesh
ஜூன் 27, 2026 12:59

வேஸ்ட் லக்கஜ் . வெளியில் தூக்கி போட பட்டது. அப்பனும் மகனுமா மொத்தம் 2 பேர் மட்டுமே உள்ள கட்சி


M Ramachandran
ஜூன் 27, 2026 12:20

உன்னைய்ய போன்றவர்கள் எதை கொடுத்தாலும் குடித்து தாக சாந்தியை தனித்து கொள்வார்கள்.


M Ramachandran
ஜூன் 27, 2026 12:17

உன் திருட்டு திராவிட கட்சி என்னைக்கோ தமிழ்நாட்டிலிருந்து நெல்லுருக்கு பயணமாயிடுச்சி. உன் பின்னாடி உன் வால் அதாவது மகன் தவிர ஒன்று மில்லை.


V S Venkataramani
ஜூன் 27, 2026 11:36

காய்க்கும் மரத்துக்கு மரம் தாவுவதே வேளையாக வைத்துள்ளார்


Anand
ஜூன் 27, 2026 10:54

மதிமுக கடந்த பல ஆண்டுகளாக தன்மானத்தை இழந்தே வாழ பழகி அதன் மூலம் கற்றுக்கொண்ட பாடத்தால் மன உறுதி பெற்று இனி அதை விட மிகவும் கேவலமாகவும் வாழ முடியும் என்பதை மிகுந்த தன்னம்பிக்கையுடன் உறுதியாக நம்புகிறது.


venugopal, s
ஜூன் 27, 2026 10:28

அப்போ ஸ்டாலினை நன்கு பார்த்து கொள்வது என்று கருணா சாகும் தறுவாயில் அளித்த வாக்குறுதி என்னவாயிற்று


Ramu Adaikkapan
ஜூன் 27, 2026 13:16

இதெல்லாம் அரசியலில் சகசமப்பா?(கவுண்டமணி டயலாக்)


Tamilarasu Kandasamy
ஜூன் 27, 2026 09:58

அவ்வளவுதான் இதில் வேறொன்றுமில்லை .ஆனால் தமிழ்நாட்டிற்கு ஆபத்து .


Aam Aathmi (Mango Man)
ஜூன் 27, 2026 09:36

தருமபூரி ஆதீனம் அல்லது மதுரை ஆதீனத்தில் சேர்ந்து ஆன்மீக சேவை செய்ய வேண்டும் ..திருவாசகத்தில் நல்ல ஈடுபாடு .. நாலாயிர திவ்ய பிரபந்த தமிழ் பாமரர்களுக்கும் படித்தவர்களுக்கும் புரிவதில்லை ..


M S RAGHUNATHAN
ஜூன் 27, 2026 09:35

முதலில் அவர் கட்சியை சேர்ந்தவர்கள் யாரும் MLA கிடையாது. ஆகவே இவரால் எந்த ஒரு MLA வையும் ராஜினாமா செய்ய வைக்க முடியாது.


புதிய வீடியோ