கார்கள் நிறுத்த கட்டணம்
சென்னையில் உள்ள பல மால்களில், 200 முதல் 500 இருசக்கர வாகனங்கள், 150 முதல் 400 கார்கள் நிறுத்தும் வகையில் கீழ் தளங்கள் அமைக்கப்பட்டு உள்ளன. இங்கு வெள்ளம் புகாத வகையில் கட்டமைத்துள்ளனர். வழக்கமான நாட்களில், 4 மணி நேரத்திற்கு, 100 - 200 ரூபாய் வசூலிக்கின்றனர். வெள்ள பாதிப்பில் இருந்து தப்பிக்க பலர், கார்களை மால்களில் நிறுத்துகின்றனர். காருக்கு ஒரு நாள், 500 ரூபாய் வரை வசூலிக்கின்றனர். ஓ.எம்.ஆர்., வேளச்சேரி, கிண்டி உள்ளிட்ட பகுதியில் உள்ள மால்களில் ஏராளமானோர் கார்களை நிறுத்தியுள்ளனர்.