டிரம்ப் வெற்றிக்கு பிரதமர் மோடியே காரணம்; பா.ஜ., கருத்து

சென்னை: 'டிரம்ப் வெற்றிக்கு பிரதமர் மோடியே காரணம்' என தமிழக பா.ஜ., விவசாய அணி தலைவர் ஜி.கே., நாகராஜ் தெரிவித்தார்.இது குறித்து அவரது அறிக்கை: அமெரிக்க அதிபர் தேர்தலில் டிரம்ப் பெற்ற வரலாற்று வெற்றிக்கு அமெரிக்க வாழ் இந்தியர்கள் அளித்த ஆதரவும்,களப்பணியும் ஒரு காரணம். இருப்பினும் அவர் பிரதமர் மோடியின் நண்பராக இருந்து தேசியம் என்ற கொள்கையை ஏற்று,செயல்பட்டதும் ஒரு முக்கியக் காரணம். வல்லரசுகளின் அதிபரை நிர்ணயிக்கின்ற சக்தியை இந்தியா பெற்றிருப்பது இந்தியாவிற்கு கிடைத்த பெருமை.அதற்கு காரணமானவர் மோடியும், அவருடைய அயலாத உலக சுற்றுப்பயணமும். ஆனால் தமிழகத்தில் மட்டும் பிரதமர் மோடி மீது வெறுப்பை திணிக்கும் அரசியல் செய்து உண்மைக்கு மாறாக தமிழக மக்களிடையே பிரச்சாரம் செய்கிறது திராவிட மாடல் திமுக அரசு. தமிழக மக்கள் உண்மையை உணரும் காலம் வெகுதொலைவில் இல்லை. இவ்வாறு ஜி.கே. நாகராஜ் கூறியுள்ளார்.