சென்னை: திமுக அரசின் தொடர் திசைதிருப்பு நாடகத்தையும் வெற்று விளம்பரத்தையும் பார்த்துப் பார்த்து தமிழக மக்கள் சலிப்படைந்து விட்டனர் என தமிழக பாஜ தலைவர் நயினார் நாகேந்திரன் தெரிவித்து உள்ளார்.அவரது அறிக்கை: மக்கள் குறைகளைத் தீர்க்க ஒருபோதும் அரசியல் கட்சி பொதுக் கூட்டத்தைக் கூட்டாத முதல்வர் ஸ்டாலின், தற்போது மட்டும் வாக்காளர் பட்டியல் சிறப்பு திருத்தம் பற்றிய கூட்டத்தை நடத்துவதில் இருந்தே தெரிகிறது இது மக்களை மடைமாற்ற நடத்தப்படும் மற்றுமொரு திசைதிருப்பு நாடகம்.ஜனநாயக தேசத்தில் குடிமக்களின் வாக்குரிமையைக் காக்கும் பொருட்டு பல்லாண்டுகாலமாகத் தொடர்ந்து நடைபெறும் வாக்காளர் பட்டியல் சிறப்பு தீவிர திருத்தத்தை, ஏதோ அந்நியமானது போல, பிரதானமாகக் காட்சிபடுத்தி, மழைவெள்ள பாதிப்பு, ஊழல், விவசாயிகள் படும் அல்லல் ஆகியவற்றை மறைத்து, குளிர்காய முயற்சிப்பது இனியும் செல்லாது.திமுகவின் திசைதிருப்பு நாடகத்தை நன்கு அறிந்து, பல கட்சிகள் கூட்டத்தினை புறக்கணித்து உள்ள நிலையில், தோல்வி பயத்தில் உள்ள கட்சிகள் மட்டுமே இக்கூட்டத்தில் கலந்து கொண்டுள்ளன. திமுக அரசின் தொடர் திசைதிருப்பு நாடகத்தையும் வெற்று விளம்பரத்தையும் பார்த்துப் பார்த்து சலித்துப்போன தமிழக மக்கள், இந்த வாக்காளர் பட்டியல் சிறப்பு திருத்தம் எதிர்ப்பு நாடகத்தையும் புறக்கணிப்பர்.ஜனநாயகத்தின் மீது சிறிதும் அக்கறை இருந்தால், முறையாக வாக்காளர் பட்டியல் சிறப்பு தீவிர திருத்தத்தை எதிர்ப்பதைவிடுத்து, எஞ்சியிருக்கும் நாட்களில் தங்களுக்கு ஓட்டளித்த மக்களின் குறைகளைத் தீருங்கள் முதல்வரே. இவ்வாறு நயினார் நாகேந்திரன் கூறியுள்ளார்.
ரோடு ஷோ என்றாலே மக்கள் சலிப்படைந்து விட்டனர்.
அதைவிட அதிகமாக தினமும் தமிழக அரசுக்கு எதிராக ஏதாவது ஒரு அறிக்கை விட வேண்டும் என்பதற்காகவே அர்த்தமில்லாமல் பேசும் உங்களையும் அண்ணாமலையையும் கண்டு தான் மக்கள் அதிக வெறுப்படைந்து உள்ளனர்!