ரூ.1.52 கோடிக்கு மஞ்சள் வர்த்தகம்

ஆத்துார், சேலம் மாவட்டம் ஆத்துார் வேளாண் உற்பத்தியாளர் கூட்டுறவு விற்பனை சங்கத்தில் மஞ்சள் ஏலம் நேற்று நடந்தது. சுற்றுவட்டார விவசாயிகள், 2,047 மூட்டைகள் கொண்ட, 1,188.91 குவிண்டால்(ஒரு குவிண்டால் 100 கிலோ) மஞ்சளை கொண்டு வந்தனர். வியாபாரிகள், தரத்துக்கு ஏற்ப விலை நிர்ணயித்தனர். குவிண்டால் விரலி ரகம், 10,869 முதல், 14,689 ரூபாய்; உருண்டை ரகம், 10,589 முதல், 12,369 ரூபாய்; பனங்காலி ரகம், 23,589 முதல், 29,369 ரூபாய் வரை விலைபோனது. இதன்மூலம், 1.52 கோடி ரூபாய்க்கு வர்த்தகம் நடந்தது. கடந்த வாரத்தை விட, குவிண்டாலுக்கு விரலி ரகம், 320 ரூபாய் விலை அதிகரித்தது. உருண்டை ரகம், 270 ரூபாய், பனங்காலி, 60 ரூபாய் விலை குறைந்தது.