உலகளவில் மக்களை கவர்ந்த டாப் 100 நகரங்கள்; இந்திய நகரத்திற்கு எத்தனையாவது இடம் தெரியுமா?

புதுடில்லி: உலகளவில் மக்களை அதிகம் கவர்ந்த டாப் 100 நகரங்களின் பட்டியல் வெளியிடப்பட்டுள்ளது. ஈரோமானிட்டர் இன்டர்நேஷனல் என்னும் தர ஆய்வுகள் நடத்தும் நிறுவனத்தின் சார்பில் பொருளாதாரம், தொழில்துறை மற்றும் சுற்றுலாவின் செயல்பாடுகள், சுற்றுலா உள்கட்டமைப்பு, சுகாதாரம், பாதுகாப்பு உள்ளிட்ட பல்வேறு விஷயங்களை அடிப்படையாகக் கொண்டு இந்த சர்வே எடுக்கப்பட்டுள்ளது. அதன்படி, தொடர்ந்து 4வது ஆண்டாக பாரிஸ் முதலிடத்தை பிடித்துள்ளது. மேட்ரிட் 2வது இடத்திலும், டோக்கியோ 3வது இடத்திலும், ரோம் 4வது இடத்திலும், மிலன் 5வது இடத்திலும் உள்ளன. நியூயார்க், ஆம்ஸ்டர்டேம், சிட்னி, சிங்கப்பூர், பார்சிலோனா ஆகிய நகரங்கள் டாப் 10ல் அடுத்தடுத்த இடங்களைப் பிடித்துள்ளது. ஒலிம்பிக் விளையாட்டு மற்றும் சுற்றுலாவிற்கு வழங்கப்படும் அதிக சலுகைகள் காரணமாக, பாரிஸிற்கு இந்த ஆண்டில் மட்டும்.79.3 கோடி பேர் வந்து சென்றுள்ளனர். இந்தியாவைப் பொறுத்தவரையில் முதல் 100 இடங்களில் ஒரே ஒரு நகரம் மட்டுமே இடம்பிடித்துள்ளது. தலைநகர் டில்லி 74வது இடத்தில் உள்ளது. வேறு எந்த இந்திய நகரங்களும் முதல் 100 இடங்களுக்குள் இடம்பிடிக்கவில்லை.