நெருக்கடியில் டிரம்ப்: விமானத்தை விற்றார்

வாஷிங்டன்: அமெரிக்க முன்னாள் அதிபர் டிரம்ப் நிதி நெருக்கடியால் தனக்கு பிடித்தமான விமானத்தை விற்பனை செய்துள்ளார். அந்த விமானத்தின் மதிப்பு ரூ. 83 கோடியாகும்.அமெரிக்க அதிபராக உள்ள பைடனின் பதவிக்காலம் இந்தாண்டு இறுதியில் நிறைவடைகிறது. இதையடுத்து அடுத்த நடக்கவுள்ள தேர்தலில் குடியரசு கட்சி சார்பில் போட்டியிட முன்னாள் அதிபர் டிரம்ப், இந்திய வம்சாவளி பெண் நிக்கி ஹாலே உள்ளிட்டோர் களத்தில் உள்ளனர். இந்நிலையில் சில மோசடி வழக்குகளில் டிரம்ப்க்கு அபராதத் தொகை விதிக்கப்பட்டுள்ளதால் நிதி நெருக்கடிக்கு உள்ளாகியுள்ளார். இதனால் அவர் தன்னுடைய தனி விமானம் ஒன்றை ஈரானிய - அமெரிக்க கட்டுமான நிறுவன தலைவர் மெஹர்தாத் மொயதியிடம் விற்பனை செய்துள்ளார்.இந்த விமானத்தை 1997 ஆண்டில் டிரம்ப் வாங்கினார். இது மணிக்கு 1136 கி.மீ., வேகத்தில் செல்லும் திறன் மிக்கது. வானில் 51 ஆயிரம் அடி உயரத்தில் பறக்கும். இந்த விமானத்தில் பல்வேறு சொகுசு வசதிகள் உள்ளன.