கேரள ஸ்டைல் சின்ன முள்ளன் மீன் குழம்பு

இந்த வாரம் கேரள ஸ்டைலில் சின்ன முள்ளன் மீன் குழம்பு செய்து, உங்கள் வீட்டினரை அசத்திவிடலாம். தேவையான பொருட்கள் (4 பேருக்கு) சின்ன முள்ளன் மீன் - அரை கிலோ புளி - எலுமிச்சை பழம் அளவு உப்பு - தேவையான அளவு மிளகாய் துாள் - 2 ஸ்பூன் சின்ன வெங்காயம் - 6 தேங்காய் துருவல் - அரை கப் சீரகம் - அரை ஸ்பூன் தேங்காய் எண்ணெய் - 6 ஸ்பூன் கடுகு - கால் ஸ்பூன் கறிவேப்பிலை - 1 கொத்து செய்முறை முதலில் முள்ளன் மீனை நன்றாக சுத்தம் செய்ய வேண்டும். புளியை வெந்நீரில் ஊற வைக்கவும். புளியை கரைத்து, தண்ணீரை வடிகட்டி எடுத்து கொள்ளவும். அதை மீன் சட்டியில் ஊற்றி அடுப்பில் வைக்கவும். அதில், 2 ஸ்பூன் மிளகாய் துாள், உப்பு, மஞ்சள் துாள் சேர்க்கவும். தேங்காய், வெங்காயம், சிறிது சீரகம் சேர்த்து, அரைத்து வைத்து கொள்ளவும். பின், 2 பச்சை மிளகாய் சேர்க்கவும். குழம்பை நன்றாக கொதிக்கவிடவும். சுத்தம் செய்த முள்ளன் மீன்களை குழம்பில் சேர்க்கவும். விரைவில் குழம்பில் மீன் வெந்து விடும். பின்னர், வேறு பாத்திரத்தில் 6 ஸ்பூன் தேங்காய் எண்ணெய் ஊற்றி, கடுகு, கறிவேப்பிலை தாளித்து குழம்பில் ஊற்றவும். ஒரு கொதி கொதித்து, எண்ணெய் மேலே பளபளவென்று வரும் போது, கேசை ஆப் பண்ணவும். அவ்வளவு தான் சின்ன முள்ளன் மீன் குழம்பு தயார். - நமது நிருபர் -: