ஊட்டச்சத்து அதிகம் உள்ள பூசணிக்காய் ரோல் கேக்

ஊட்டச்சத்து அதிகம் உள்ள பூசணிக்காயில், இந்த வாரம் பூசணிக்காய் ரோல் கேக் செய்யலாம். தேவையான பொருட்கள் l பூசணிக்காய் - கால் கப் l சமையல் சோடா - 1 டீஸ்பூன் l இலவங்கப்பட்டை துாள் -- அரை டீஸ்பூன் l மைதா அல்லது கோதுமை மாவு -- அரை கப் l முட்டை -- 3 l நாட்டு சர்க்கரை -- ஒரு கப் l சீஸ் கிரீம் -- 200 கிராம் l வெண்ணெய் -- 2 டீஸ்பூன் l ஐசிங் சர்க்கரை -- ஒரு கப் l வெண்ணிலா எசென்ஸ் -- சிறிதளவு l வால்நட், பாதாம், பிஸ்தா -- சிறிதளவு செய்முறை l பூசணிக்காயை தோல் சீவி எடுத்துக் கொள்ளவும். மிக்சி அல்லது ப்ளெண்டரில் போட்டு நைஸாக அரைத்துக் கொள்ளவும். l ஒரு சிறிய பாத்திரத்தில் மைதா மாவு, சமையல் சோடா, இலவங்கப்பட்டை துாள் போன்றவற்றை சலித்து கலந்து கொள்ளவும். l ஒரு பாத்திரத்தில் முட்டை உடைத்து நன்கு கலந்துக் கொள்ளவும். இதனுடன் சிறிதளவு நாட்டு சர்க்கரை சேர்த்து நுரை வரும் அளவிற்கு ப்ளெண்டர் செய்துக் கொள்ள வேண்டும். l இதனுடன் ஏற்கனவே அரைத்து வைத்துள்ள பூசணிக்காய் கலவை, மாவு போன்றவற்றை சேர்த்துக் கொள்ளவும். மீண்டும் க்ரீமியாக வரும் வரை நன்கு கலந்து கொள்ள வேண்டும். l இவை அனைத்தையும் பட்டர் சீட்டில் வைத்து பேக் செய்துக் கொள்ளவும். மைக்ரோ ஓவன் இல்லையென்றால் குக்கரில் பேக் செய்து எடுக்கலாம். l கேக் பேக் செய்யக்கூடிய நேரத்தில் ஒரு சிறிய கிண்ணத்தில் சீஸ் கிரீம், வெண்ணெய், ஐசிங் சர்க்கரை போன்றவற்றை நன்கு கலந்துக் கொள்ளவும். இதனுடன் கொஞ்சமாக வெண்ணிலா எசென்ஸ் சேர்த்துக் கொள்ளலாம். l இறுதியாக பேக் செய்து வைத்துள்ள கேக் மீது வெண்ணிலா எசென்ஸ் கலந்த கலவைத் தடவிக் கொள்ளவும். பின்னர் பேக்கில் சுற்றி ஒரு மணி நேரம் பிரிட்ஜில் வைத்து எடுத்தால், பூசணிக்காய் ரோல் கேக் தயார். - நமது நிருபர் -: