சீசனுக்கு தயாராகும் குன்னுார் சிம்ஸ் பூங்கா | Flower Sims Preparing for the Summer Season at Sims Park | Coonoor நீலகிரி மாவட்டம் குன்னூரில் நூற்றாண்டு பழமை வாய்ந்த சிம்ஸ் பூங்காவில் ஆண்டு தோறும் ஏப்ரல், மே மாதம் கோடை சீசனில் சுற்றுலா பயணிகளின் வருகை அதிகம் இருக்கும். இங்கு மே மாத இறுதியில் பழக்கண்காட்சி நடத்தப்படும். கோடை சீசனுக்காக சிம்ஸ் பூங்காவில் 5 லட்சம் மலர் நாற்றுகள் நடவு செய்யும் பணி இன்று துவங்கியது. கோடை சீசனையொட்டி ஏப்ரல் மற்றும் மே மாதங்களில் பூத்து குலுங்கும் மலர்களை கண்டு ரசிக்க சுற்றுலா பயணிகள் அதிகம் வருகை தரவுள்ளனர். அனைவரையும் மகிழ்விக்கும் வண்ணம் சிம்ஸ் பூங்காவில் வளர்க்கப்படும் வண்ண வண்ண மலர்கள் புன்னகை சிந்தி சுற்றுலா பயணிகளை வரவேற்க தயாராகி வருகிறது.