எச்சரிக்கையுடன் களமாடுவது அவசியம் என விஜய் அட்வைஸ் | Actor Vijay | TVK president | First state confe
நடிகர் விஜய் தொடங்கி உள்ள தமிழக வெற்றிக் கழகம் கட்சியின் முதல் மாநில மாநாடு வரும் 27ல், விழுப்புரம் மாவட்டம் விக்கிரவாண்டியில் நடக்கிறது. அக்கட்சியின் பொதுச்செயலாளர் ஆனந்த், முதல் மாநாட்டுக்கான அடிக்கல்லை நாட்டி உள்ளார். இந்த நிலையில் கட்சி தொண்டர்களுக்கு அழைப்பு விடுத்து தலைவர் விஜய் கடிதம் எழுதி உள்ளார். தமிழக மக்களுக்காக நாம் உழைக்க வேண்டும். இன்னமும் முழுமை பெறாத அவர்களுக்கான அடிப்படை தேவைகளை நிரந்தரமாகப் பூர்த்தி செய்ய வேண்டும். நம் கட்சியின் முதல் மாநில மாநாடு என்பது நமது அரசியல் கொள்கை பிரகடன மாநாடு. இன்னும் சரியாக சொல்ல வேண்டுமெனில், கொள்கைத் திருவிழா. அதுவும் வெற்றிக் கொள்கைத் திருவிழா. பொறுப்பான மனிதனைத்தான் குடும்பம் மதிக்கும். பொறுப்பான குடிமகனைத்தான் நாடு மதிக்கும். அதிலும் முன்னுதாரணமாக திகழும் மனிதனைத்தான் மக்கள் போற்றுவர். நம் கட்சியினர் இம்மூன்றாகவும் இருக்க வேண்டும் என்பதே என் பெருவிருப்பம்.