சென்னை ஆவடி அடுத்த பட்டாபிராம் ஆயில்சேரியை சேர்ந்த கஜேந்திரனின் மகன்கள் 27 வயது இரட்டைமலை சீனிவாசன், 24 வயது ஸ்டானின். சீனிவாசன் மீது திருட்டு வழக்குகள் உள்ள நிலையில், தம்பி ஸ்டாலின் சி பிரிவு ரவுடிகள் பட்டியலில் இடம் பெற்றவர். இருவரும் ஜனவரி 18ல் கொடூரமாக வெட்டி கொல்லப்பட்டனர். ஸ்டாலின் தனது வீட்டின் அருகே ஆயில்சேரியிலும், அண்ணன் சீனிவாசன் ஆவடி பகுதியிலும் தனித்தனியாக கொல்லப்பட்டது பெரும் பரபரப்பை ஏற்படுத்தியது. ஆயில்சேரி வழியாக சென்ற சோரான்சேரி இளைஞர்களை அண்ணன், தம்பி தாக்கியதால் முன் விரோதம் ஏற்பட்டு கொலை நடந்தது தெரிந்தது. ஐந்து தனிப்படை அமைத்து கொலையாளிகளை தேடிய போலீசார், 10 பேரை கைது செய்து சிறையில் அடைத்தனர். குற்றத்தை தடுக்க தவறியதாக பட்டாபிராம் போலீஸ் இன்ஸ்பெக்டர் ஜெகநாதன் சஸ்பெண்ட் செய்யப்பட்டார். இந்த நிலையில் ஸ்டாலினை ஒரு கும்பல் பெரிய பெரிய பட்டா கத்தியால் வெட்டி கொலை செய்யும் சிசிடிவி காட்சிகள் வெளியாகி அதிர்ச்சியை ஏற்படுத்தி உள்ளது.