தோழியின் காதலனை தேடும் 3 தனிப்படை போலீசார் Bengaluru PG girl Murder | Bengaluru police commissioner
பீகாரை சேர்ந்தவர் கிருத்திகுமாரி. வயது 22. எம்.பி.ஏ பட்டதாரி. பெங்களூரில் உள்ள பெண்கள் விடுதியில் தங்கியிருந்து தனியார் கம்பெனியில் வேலை பார்த்து வந்தார். கடந்த 23ம் தேதி இரவு கிருத்தி அறைக்குள் நுழைந்த நபர் அவரை தரதரவென வெளியே இழுந்து வந்து, கத்தியால் கழுத்தை அறுத்தார். பலமுறை அவரை குத்தி கொலை செய்துவிட்டு அங்கிருந்து தப்பியோடினார். இதன் சிசிடிவி காட்சிகள் தற்போது வெளியாகி உள்ளன. விடுதியில் செக்யூரிட்டி இல்லாததால் அந்த நபர் எளிதாக உள்ளே நுழைந்து பெண்ணை கொன்றது போலீசார் முதற்கட்ட விசாரணையில் தெரிந்தது. கிருத்திகுமாரியை கொலை செய்தவர் அபிஷேக். போபாலை சேர்ந்த இவர், கிருத்திகுமாரியின் முன்னாள் அறை தோழியின் காதலர். அவர் மகாராஷ்டிராவை சேர்ந்தவர்.