சர்ச்சைகளுக்கு இடையே தக் லைஃப் நாளை வெளியாகிறது Kamal |thanks to tamilnadu |for thug life issue |
தக் லைஃப் திரைப்பட நிகழ்ச்சியில், தமிழில் இருந்துதான் கன்னடம் பிறந்ததாக கமல்ஹாசன் பேசியதற்கு கர்நாடகாவில் எதிர்ப்பு கிளம்பியது. அவர் மன்னிப்பு கேட்காவிட்டால் அவரது படத்தை திரையிட போவதில்லை என கர்நாடக பிலிம் சேம்பர் அறிவித்தது. படத்தை திரையிட பாதுகாப்பு கேட்டு கமல்ஹாசனின் ராஜ்கமல் பிலிம்ஸ் நிறுவனம் கர்நாடக ஐகோர்ட்டில் முறையிட்டது. மன்னிப்பு கேட்டால் எல்லாம் முடிந்துவிடும் என கோர்ட்டும் சொன்னது. மன்னிப்பு கேட்காத கமல்ஹாசன், கர்நாடகாவில் படத்தை வெளியிடுவதை ஒத்திவைப்பதாக கூறிவிட்டார். தக் லைஃப் படம் நாளை ரிலீஸ் ஆக உள்ள நிலையில், செய்தியாளர்களை கமல்ஹாசன் சந்தித்தார். தமிழ் சினிமாவை புரட்டிபோட வேண்டும் என்பது தான் என் ஆசை. இந்த படத்துக்கு மக்கள் பெரும் ஆதரவு அளிக்க வேண்டும். எனக்கு உறுதுணையாக இருந்த தமிழகத்துக்கு நன்றி சொல்ல வேண்டும் என கூறினார்.