தமிழ், தெலுங்கு சினிமாக்களில் முன்னணி நடன இயக்குநராக இருப்பவர் ஜானி மாஸ்டர் என்கிற ஷேக் ஜானி பாஷா. பாகுபலி, புஷ்பா தி ரைஸ் போன்ற பெரிய படங்களின் நடன இயக்குனராக பணிபுரிந்துள்ளார். தமிழில் மாரி-2 படத்தின் மூலம் நடன இயக்குநராக அறிமுகமான ஜானி மாஸ்டர், வாரிசு படத்தில் வரும் ரஞ்சிதமே பாடலின் நடன அசைவுகளுக்காக பெரிதும் பேசப்பட்டார். அரபிக்குத்து, காவாலா போன்ற பாடல்களின் நடன காட்சிகளும் அவருக்கு புகழைச் சேர்த்தன. திருச்சிற்றம்பலம் படத்தில் வரும் மேகம் கருக்காதோ என்ற பாடலுக்கு நடன காட்சிகள் அமைத்ததற்காக, சிறந்த நடன இயக்குநருக்கான தேசிய விருதை பெற்றார். பாலியல் துன்புறுத்தல்கள் பற்றி மலையாள நடிகைகள் வெளிப்படையாக பேசிய பிறகு, தெலுங்கு சினிமாவை சேர்ந்த 21 வயது இளம்பெண், ஜானி மாஸ்டர் மீது போலீசில் புகார் அளித்தார்.