மதுக்கொள்கை ஊழல் வழக்கில் சிறை சென்று ஜாமினில் வந்துள்ள டெல்லி முதல்வர் அரவிந்த் கெஜ்ரிவால் பதவி விலகுவதாக அறிவித்தார். அமைச்சர் அதிஷி மர்லினா சிங்கை முதல்வர் பதவிக்கு அவர் தேர்வு செய்தார். ஆம் ஆத்மி எம்எல்ஏக்களும் அதை ஒருமனதாக ஏற்றுக்கொண்டனர். இது தொடர்பாக அதிஷி பேட்டி அளித்தார். இவ்வளவு பெரிய பொறுப்பை என்னை நம்பி ஒப்படைக்கும் கெஜ்ரிவாலுக்கு நன்றி. முதல் முறை அரசியல்வாதி ஒருவர் முதல்வர் ஆகிறார் என்றால் அது ஆம் ஆத்மியில் மட்டுமே நடக்ககூடியது. சாதாரண குடும்பத்தை சேர்ந்த நான், வேறு கட்சியில் இருந்திருந்தால் தேர்தல் சீட்டு கூட கிடைத்திருக்காது. ஆனால் கெஜ்ரிவால் எனக்கு முதல்வர் பதவியை தந்துள்ளார். கெஜ்ரிவால் ராஜினாமா செய்வது வருத்தம் அளிக்கிறது. அவரை மீண்டும் முதல்வர் ஆக்குவதுதான் எங்களின் ஒரே லட்சியம். முதல்வர் பதவியில் இருக்கும்வரை மக்கள் பாதுகாப்பேன்; கெஜ்ரிவால் வழிகாட்டுதல் படி ஆட்சி நடத்துவேன் என அதிஷி கூறினார்.