ரஜிஷா - குஞ்சாக்கோ இணையும் பகலும் பாதிராவும்

மலையாளத்தில் மம்முட்டி நடித்த ராஜாதி ராஜா என்கிற படம் மூலம் இயக்குனரானவர் அஜய் வாசுதேவ். தொடர்ந்து, மாஸ்டர்பீஸ், ஷைலாக் என மம்முட்டி நடித்த படங்களை இயக்கிய அஜய் வாசுதேவ், தற்போது குஞ்சாக்கோ போபன் ஹீரோவாக நடிக்கும் படத்தை இயக்குகிறார். இந்தப்படத்திற்கு பகலும் பாதிராவும் என டைட்டில் வைக்கப்பட்டுள்ளது.

கர்ணன், ஜெய்பீம் படங்களில் கதாநாயகியாக நடித்த ரஜிஷா விஜயன் இந்தப்படத்தில் கதாநாயகியாக நடிக்கிறார். நடிகை சீதா மிக முக்கியமான கதாபாத்திரத்தில் நடிக்கிறார். கோகுலம் கோபாலன் தயாரிக்கும் இந்தப்படத்தின் படப்பிடிப்பு சமீபத்தில் பூஜையுடன் துவங்கியுள்ளது.