வெப் சீரிஸில் ஷர்னிதா ரவி

சென்னையை சேர்ந்த மாடல் அழகி ஷர்னிதா ரவி. பிரபல நிறுவனங்களின் 50க்கும் மேற்பட்ட விளம்பர படங்களில் நடித்துள்ளார். தற்போது அவர் சில்லுகருப்பட்டி புகழ் ஹலீதா ஷமீம் இயக்கும் வெப் தொடரில் நாயகியாக நடித்து வருகிறார். இந்த தொடர் விரைவில் ஓடிடியில் வெளிவர இருக்கிறது.

ஷர்னிதா ரவி கூறியதாவது: நான் பக்கா தமிழ் பொண்ணு, அதனால் நடிப்பில் என்னால் 100 சதவிகித திருப்தியுடன் நடிக்க முடிகிறது. ஏற்கெனவே ஆங்கில நாடகங்களில் நடித்திருப்பதால் கேமராவுக்கு முன்னால் நடிப்பது எளிதாக இருக்கிறது. தமிழ், தெலுங்கு, மலையாள படங்களில் நடிக்கும் ஆர்வம் இருக்கிறது. சினிமாவில் நடிப்பது குறித்து இப்போதுதான் முடிவு செய்துள்ளேன். நல்ல கதைகள் அமையும்போது பெரிய திரைக்கு வருவேன். என்கிறார் ஷர்னிதா ரவி.