பிரபுதேவா நடிப்பில் மை டியர் பூதம்

ஹிந்தியில் சல்மான்கானை வைத்து பிரபுதேவா இயக்கிய ராதே படம் தோல்வி அடைந்ததை அடுத்து படம் இயக்குவதை தள்ளிவைத்துவிட்டு மீண்டும் முழு நேர நடிகராக உருவெடுத்திருக்கிறார் பிரபுதேவா. இந்த நிலையில் அவர் நடித்துள்ள தேள் படம் விரைவில் திரைக்கு வரும் நிலையில், பகீரா, பொய்க்கால் குதிரை, பிளாஷ்பேக் உள்ளிட்ட சில படங்களில் நாயகனாக நடித்து வருகிறார் பிரபுதேவா.

இந்த நிலையில் மஞ்சப்பை படத்தை இயக்கிய ராகவன் இயக்கத்தில் தற்போது மைடியர் பூதம் என்ற படத்தில் நடித்து வருகிறார் பிரபுதேவா. அவருக்கு ஜோடியாக ரம்யா நம்பீசன் நடிக்கும் இந்தப் படத்துக்கு டி. இமான் இசையமைக்கிறார். குழந்தைகளை டார்கெட் ஆக கொண்டு இந்த படத்தின் கதை உருவாக்கப்பட்டுள்ளது. அதோடு பிரபுதேவா பூதம் கெட்டப்பில் தோன்றும் மோஷன் போஸ்டர் ஒன்றும் வெளியிடப்பட்டுள்ளது.