யசோதாவுக்காக சமந்தாவுடன் இணைந்த வரலட்சுமி
ADDED : 1403 days ago
கதாநாயகியை மையப்படுத்தி உருவாகியுள்ள சாகுந்தலம் படத்தில் நடித்த சமந்தா, அதேபோன்று தெலுங்கில் யசோதா என்கிற இன்னொரு படத்திலும் கதையின் நாயகியாக நடித்து வருகிறார். இரட்டை இயக்குனர்களான ஹரி மற்றும் ஹரிஷ் சங்கர் இயக்கும் இந்தப்படத்தில் சமந்தாவுக்கு ஜோடியாக மலையாள நடிகரான உன்னி முகுந்தன் நடிக்கிறார்.
த்ரில்லர் ஜானரில் உருவாகும் இந்தப்படத்தில் வரலட்சுமி சரத்குமாரும் இன்னொரு முக்கிய வேடத்தில் நடிக்கிறார். தற்போது நடைபெற்று வரும் இந்தப்படத்தின் படப்பிடிப்பில் கலந்துகொண்டு நடித்து வருகிறார் வரலட்சுமி.. தெலுங்கில் கடந்த வருடம் வரலட்சுமி நடித்த கிராக் மற்றும் நாந்தி என இரண்டு படங்களும் அவருக்கு ரசிகர்களிடம் பாராட்டை பெற்று தந்தன என்பது இங்கே குறிப்பிடத்தக்கது.