ஏஜெண்ட் மம்முட்டியின் பர்ஸ்ட் லுக் போஸ்டர் வெளியானது

நாகார்ஜுனாவின் இளைய மகன் நடித்த மோஸ்ட் எலிஜிபிள் பேச்சிலர் படம் கடந்த சில மாதங்களுக்கு முன் வெளியான நிலையில் இவரது அடுத்த படமாக ஏஜெண்ட் என்கிற படம் உருவாகி வருகிறது.. ரேஸ் குர்ரம் படத்தை இயக்கிய சுரேந்தர் ரெட்டி இந்தப்படத்தை இயக்கி வருகிறார். ராணுவ பின்னணியில் உருவாகும் இந்த படத்தில் நடிகர் மம்முட்டியும் ஒரு முக்கிய கதாபாத்திரத்தில் நடித்து வருகிறார். யாத்ரா படத்தை தொடர்ந்து அவர் தெலுங்கில் நடிக்கும் படம் இது.

இந்த படத்தில் ராணுவ அதிகாரி கதாபாத்திரத்தில் நடிக்கிறார் மம்முட்டி. படம் முழுதும் அகிலுக்கு இணையான காட்சிகள் அவருக்கும் இருக்கும்படி கதையை உருவாக்கியுள்ளாராம் கதாசிரியர் வக்கந்தம் வம்சி. இந்தநிலையில் ஆர்மி லுக்கில் மம்முட்டி இருப்பதுபோன்ற அவரது பர்ஸ்ட் லுக் போஸ்டர் ஒன்றை தி டவெளி ரூத்லஸ் சேவியர் என்கிற டேக்லைனுடன் ஏஜென்ட் படக்குழுவினர் வெளியிட்டுள்ளனர். ஏற்கனவே சில கட்ட படப்பிடிப்புகள் முடிவடைந்துவிட்ட நிலையில், மீண்டும் துவங்கியுள்ள இந்தப்படத்தின் படப்பிடிப்பில் இன்றுமுதல் மம்முட்டி கலந்துகொண்டு நடித்து வருகிறார்.