இறுதிக்கட்ட படப்பிடிப்பில் தனுஷின் 'நானே வருவேன்'
ADDED : 1291 days ago
செல்வராகவன் இயக்கத்தில் தனுஷ் இரட்டை வேடங்களில் நடிக்கும் படம் 'நானே வருவேன்' . இந்த படத்தில் தனுஷுடன் இணைந்து செல்வராகவனும் முக்கிய கதாபாத்திரத்தில் நடித்து வருகிறார். மேலும் இந்த படத்தில் இந்துஜா, யோகிபாபு ஆகியோர் முக்கிய கதாபாத்திரங்களில் நடித்து வருகின்றனர்.
இந்த படத்தின் இறுதிக்கட்ட படப்பிடிப்பு சென்னையில் நடந்து வருகிறது. சண்டைக்காட்சிகள் தற்போது படமாக்கப்பட்டு வருகிறது .இந்நிலையில் செல்வராகவன், நானே வருவேன் படத்தின் புதிய போஸ்டர் ஒன்றை வெளியிட்டுள்ளார். அந்த போஸ்டரில் தனுஷ் புகைபிடிப்பது போன்ற புகைப்படம் இடம்பெற்றுள்ளது