கேப்டன் பர்ஸ்ட் லுக் வெளியீடு

டெடி படத்தின் வெற்றியை தொடர்ந்து நடிகர் ஆர்யா, இயக்குனர் சக்தி சவுந்தர்ராஜன் கூட்டணியில் உருவாகி வரும் படம் ‛கேப்டன்'. ஐஸ்வர்ய லட்சுமி, சிம்ரன் முக்கிய வேடத்தில் நடிக்க, இமான் இசையமைக்கிறார். இப்படத்தின் பர்ஸ்ட் லுக் வெளியாகி உள்ளது. ஹாலிவுட்டில் அர்ணால்ட் நடிப்பில் வெளியான ‛பிரடேட்டர்' பட பாணியில் ஆர்யா இருக்க, அவரது பின்னணியில் ஒரு வித்தியாமான விலங்கு ஒன்று உள்ளது. இதை உருவாக்க, படக்குழு ஒன்றரை ஆண்டுகள் உழைத்துள்ளது.

“கேப்டன் திரைப்படத்தை திங்க் ஸ்டுடியோஸ் நிறுவனம், நடிகர் ஆர்யாவின் தி ஷோ பீபிள் நிறுவனத்துடன் இணைந்து தயாரிக்கிறது. படப்பிடிப்பு முடிந்து, தற்போது போஸ்ட் புரொடக்ஷன் பணிகள் விறுவிறுப்பாக நடைபெற்று வருகிறது. ஆர்யாவின் முந்தைய படங்களான சார்ப்பட்டா பரம்பரை மற்றும் டெடி ஆகியவை பெரும் வெற்றி பெற்றதால் 'கேப்டன்' படத்திற்கான எதிர்பார்ப்பு பெருமளவில் அதிகரித்துள்ளது.