கணவர் பிறந்தநாளில் பிரணிதா தந்த சர்ப்ரைஸ்

உதயன், சகுனி, மாசு என்கிற மாசிலாமணி உள்ளிட்ட படங்களில் நடித்தவர் கன்னட நடிகையான பிரணிதா. கடந்தாண்டு தொழிலதிபர் நிதின் ராஜூ என்பவரை திருமணம் செய்தார். தொடர்ந்து படங்களிலும் நடித்து வந்தார். இந்நிலையில் நேற்று தனது கணவரின் பிறந்தநாளை கொண்டாடி, வாழ்த்து கூறினார் பிரணிதா. அதோடு தான் கர்ப்பமாக இருக்கும் செய்தியையும் வெளியிட்டு, ‛‛தங்கள் வீட்டில் ஒரு தேவதையை எதிர்பார்த்து காத்திருப்பதாக'' கூறி கணவருடன் தனது மகிழ்ச்சியையும் வெளிப்படுத்தி உள்ளார் பிரணிதா.

அதோடு, தனது கணவரை கட்டிப்பிடித்தபடி மருத்துவமனையின் ஸ்கேன் ரிப்போர்ட்டையும், கர்ப்பத்தை உறுதி செய்யும் கருவியையும் கையில் பிடித்து காட்டியபடி சில புகைப்படங்களை வெளியிட்டுள்ளார் பிரணிதா.