பாகுபலி 2 படத்தின் சாதனையை முறியடித்த கமலின் விக்ரம்

லோகேஷ் கனகராஜ் இயக்கத்தில் கமல்ஹாசன் தயாரித்து நடித்து திரைக்கு வந்துள்ள படம் விக்ரம். அனிருத் இசையமைத்துள்ள இந்த படத்தில் கமலுடன் விஜயசேதுபதி, பகத் பாசில் ஆகியோரும் முக்கிய வேடங்களில் நடித்திருக்கிறார்கள், ஜூன் 3ஆம் தேதி திரைக்கு வந்த இந்தப் படம் கடந்த இரண்டு வாரங்களாக வசூல் சாதனை புரிந்து கொண்டிருக்கிறது.

தமிழ்நாடு, கேரளா , ஆந்திரா, தெலுங்கானா, கர்நாடகா என அனைத்து மாநிலங்களிலும் வரவேற்புடன் ஓடிக் கொண்டிருக்கிறது. இந்நிலையில் விக்ரம் படம் 300 கோடி வசூல் சாதனை அடைந்துவிட்டதாக ஏற்கனவே கமல்ஹாசன் ஒரு பேட்டியில் தெரிவித்திருந்தார். இந்நிலையில் இந்த படம் தமிழ்நாட்டில் மட்டும் ரூ.150 கோடி வசூலித்து பாகுபலி-2 படத்தின் சாதனையை முறியடித்துள்ளதாம்.