இரட்டை குழந்தை : ரன்பீர் கபூர் போட்ட புதிர்

ராஜமவுலி இயக்கத்தில் வெளியான ஆர்ஆர்ஆர் படத்தில் நடித்தவர் ஹிந்தி நடிகை ஆலியா பட். இவர் கடந்த ஏப்ரல் மாதம் நடிகர் ரன்பீர் கபூரை திருமணம் செய்து கொண்டார். தற்போது கர்ப்பமாக இருக்கும் ஆலியா பட்டுக்கு இரட்டை குழந்தை பிறக்க இருப்பதாக செய்திகள் வெளியாகி உள்ளன.

ரன்பீர் கபூரிடம் தொகுப்பாளினி ஒருவர், நீங்கள் இரண்டு உண்மை மற்றும் ஒரு பொய் சொல்ல வேண்டுமென அவர் கேட்கிறார். அதற்கு, ‛‛நாங்கள் இரட்டை குழந்தையை எதிர்பார்க்கிறோம், நான் ஒரு பெரிய சரித்திர கதையில் நடிக்கிறேன், சினிமாவிற்கு சற்று இடைவெளி கொடுக்க போகிறேன்'' என்றார். இதையடுத்து இரட்டை குழந்தை, சரித்திர படம் தான் உண்மை, சினிமாவிற்கு பிரேக் விட மாட்டார் என்று ரசிகர்கள் கமெண்ட் கொடுத்து வருகிறார்கள்.