மாளவிகா மோகன் நடித்துள்ள கிறிஸ்டி படத்தின் டிரைலர் வெளியானது!

தமிழில் ரஜினி நடித்த பேட்ட படத்தில் அறிமுகமான மாளவிகா மோகனன் அதன் பிறகு விஜய்யின் மாஸ்டர், தனுஷின் மாறன் போன்ற படங்களில் நடித்தவர் தற்போது விக்ரமுடன் தங்கலான் படத்தில் நடித்து வருகிறார். மேலும் ஏற்கனவே மலையாள படங்களில் நடித்துள்ள மாளவிகா மோகனன் ஐந்து வருடங்களுக்குப் பிறகு தற்போது கிருஷ்டி என்ற ஒரு மலையாள படத்தில் நடித்திருக்கிறார்.

அல்வின் ஹென்றி என்பவர் இயக்கி உள்ள இந்த படத்தில், மேத்யூ தாமஸ் என்பவர் நாயகனாக நடித்திருக்கிறார். இந்த படம் தன்னைவிட வயதான பெண்ணை ஒரு இளைஞர் காதலிக்கும் கதையில் தயாராகி உள்ளது. வருகிற பிப்ரவரி 17ம் தேதி திரைக்கு வரும் இந்த படம் உண்மை சம்பவத்தை அடிப்படையாகக் கொண்ட கதையில் உருவாகியுள்ளது. மாளவிகா மோகனன் டியூசன் டீச்சராக நடித்துள்ள இந்த படத்தின் டிரைலர் தற்போது வெளியாகி வைரலாகி வருகிறது.