பெங்களூரு மைதானத்தில் சிவராஜ்குமாருடன் கிரிக்கெட்டை ரசித்து பார்த்த தனுஷ்

நடிகர் தனுஷ் தற்போது அருண் மாதேஸ்வரன் இயக்கத்தில் கேப்டன் மில்லர் என்கிற பீரியட் படத்தில் நடித்து வருகிறார். இந்த படத்தின் படப்பிடிப்பு சமீப நாட்களாக திருநெல்வேலி மாவட்டத்தில் உள்ள முண்டந்துறை வனப்பகுதிகளில் நடைபெற்று வந்தது. பிரியங்கா மோகன் கதாநாயகியாக நடிக்கும் இந்த படத்தில் கன்னட நடிகர் சிவராஜ்குமார் வில்லனாக முக்கிய கதாபாத்திரத்தில் நடித்து வருகிறார்.

தற்போது தற்காலிகமாக இந்த படத்தின் படப்பிடிப்புக்கு ஓய்வு கொடுக்கப்பட்டுள்ள நிலையில் பெங்களூரு சின்னசாமி மைதானத்தில் சிஎஸ்கே மற்றும் ஆர்சிபி அணிகளுக்கு இடையே நடைபெற்ற கிரிக்கெட் போட்டியை நேரில் வந்து கண்டு களித்தார் தனுஷ். அவருடன் அவரது இளைய மகன் லிங்காவும் வந்திருந்தார். அதேசமயம் உள்ளூரில் இருந்த நடிகர் சிவராஜ்குமாரும் இந்த கிரிக்கெட் போட்டியை காண வந்தவர், நடிகர் தனுஷுடன் அமர்ந்து இந்த போட்டியை கண்டு ரசித்தார்