விஷ்ணு விஷால் - ராம்குமார் புதிய படத்தின் கதாநாயகியாக அதிதி ஷங்கர் ஒப்பந்தம்

நடிகர் விஷ்ணு விஷால் தற்போது இயக்குனர் ஐஸ்வர்யா ரஜினிகாந்த் இயக்கத்தில் 'லால் சலாம்' படத்தில் நடித்து வருகிறார். சில மாதங்களுக்கு முன்பு விஷ்ணு விஷால் - இயக்குனர் ராம்குமார் இயக்கத்தில் புதிய படத்தில் நடிக்க இருப்பதாக அறிவிக்கப்பட்டது. இதற்கு முன்பு இவர்கள் கூட்டனியில் முண்டாசுபட்டி, ராட்சசன் போன்ற படங்கள் வெளியானது.

தற்போது உருவாகும் இந்த படம் காதல், காமெடி கலந்த பேண்டஸி கதைக்களமாக உருவாக்க உள்ளனர். இந்த படத்தை சத்யஜோதி பிலிம்ஸ் தயாரிக்கின்றனர். இந்நிலையில் இந்த படத்தில் கதாநாயகியாக நடிக்க நடிகை அதிதி ஷங்கர் ஒப்பந்தம் ஆகியுள்ளாராம். இன்று இந்த படத்தின் டெஸ்ட் ஷூட் சென்னையில் நடைபெற்றுள்ளது. படப்பிடிப்பு வரும் மே முதல் வாரத்தில் தொடங்கவுள்ளதாக தகவல் வெளியாகியுள்ளது.