யோகிபாபு முதன்மை கதாபாத்திரத்தில் நடிக்கும் ‛வானவன்'

காமெடி கதாபாத்திரங்களை தாண்டி ‛மண்டேலா' போன்ற கதைக்கு முக்கியத்துவம் வாய்ந்த படங்களில் முதன்மை கதாபாத்திரத்திலும் நடித்து வருபவர் யோகிபாபு. இவர் தற்போது ஜெயிலர், அயலான், எல்ஜிஎம், கங்குவா போன்ற பல படங்களில் நடித்து வருகிறார். மேலும், சிம்புதேவன் இயக்கத்தில் முழுக்க முழுக்க கடலில் ஒரு படகில் எடுக்கப்பட்ட ‛போட்' என்ற படத்தில் முதன்மை கதாபாத்திரத்தில் நடித்து வருகிறார்.

அடுத்ததாக சஜின் கே சுரேந்தர் என்பவர் இயக்கும் படத்திலும் நடித்து வருகிறார். யோகிபாபுவின் பிறந்தநாளை முன்னிட்டு இப்படத்தின் டைட்டிலை படக்குழு வெளியிட்டுள்ளனர். இப்படத்துக்கு 'வானவன்' என தலைப்பிடப்பட்டுள்ளது. படத்தில் காளிவெங்கட், ரமேஷ் திலக், லக்ஷ்மி ப்ரியா உள்ளிட்ட பலர் நடிக்கின்றனர். தொழில்நுட்ப குழுவினர் குறித்து எதுவும் அறிவிக்கப்படவில்லை.