கல்கி 2898 ஏ.டி ரிலீஸ் தேதி மாற்றமா?

நாக் அஸ்வின் இயக்கத்தில் பிரமாண்டமாக உருவாகி படம் கல்கி 2898 ஏ.டி. பிரபாஸ், அமிதாப் பச்சன், கமல்ஹாசன், தீபிகா படுகோன் உள்ளிட்டோர் முக்கிய கதாபாத்திரத்தில் நடிக்கின்றனர். வைஜயந்தி பிலிம்ஸ் தயாரிக்கும் இப்படத்திற்கு சந்தோஷ் நாராயணன் இசையமைக்கிறார். சமீபத்தில் இந்த படத்தின் பர்ஸ்ட் லுக் மற்றும் அறிமுக வீடியோ வெளியாகி வரவேற்பைப் பெற்றது.

ஏற்கனவே இந்த படம் 2024 பொங்கலுக்கு வெளியாகும் என சில மாதங்களுக்கு முன்பு அறிவித்தனர். அறிமுக வீடியோவிலும் 2024 ரிலீஸ் என குறிப்பிட்டனர். இந்த நிலையில் இந்த படத்தின் படப்பிடிப்பு இதுவரை 70% சதவீதம் மட்டுமே நிறைவு பெற்றுள்ளதால் ஜனவரியில் படத்தை வெளியிடுவது சிரமம் என்கிறார்கள். இதனால் இப்படத்தின் வெளியீட்டை 2024, மே மாதம் 9ம் தேதிக்கு தள்ளி வைக்க படக்குழுவினர் முடிவு செய்துள்ளதாக தகவல் வெளியாகியுள்ளது. இது குறித்து அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.