விஜய் 68வது படத்தின் கதை லீக்கானது

வெங்கட் பிரபு இயக்கத்தில் விஜய், மீனாட்சி சவுத்ரி, பிரசாந்த், பிரபுதேவா, மோகன், ஜெயராம் உள்ளிட்ட பலரது நடிப்பில் உருவாகி வரும் விஜய் 68வது படத்தின் இரண்டாம் கட்ட படப்பிடிப்பு தற்போது தென்னாப்பிரிக்காவில் நடைபெற்று வருகிறது. இப்படம் டைம் ட்ராவல் கதையில் உருவாகி வருவதாக ஒரு தகவல் கசிந்துள்ளது. இதன் காரணமாகவே இந்த படத்தில் விஜய் 25 மற்றும் 50 வயது என இரண்டு விதமான கெட்டப்புகளில் நடிப்பதாக கூறப்படுகிறது. டைம் டிராவல் மூலம் காலம் கடந்து செல்லும் போது இளமையான விஜய் தோன்றுவதற்காக ஏஐ தொழில்நுட்பம் பயன்படுத்தப்படுகிறது. இதற்காகத்தான் அமெரிக்கா சென்று ஸ்கேனிங் ப்ராசஸில் விஜய் ஈடுபட்டிருந்தார். அதையடுத்து தான் சென்னை திரும்பி அவர்கள் படப்பிடிப்பை தொடங்கினார்கள். அதோடு, விஜய் இளமையாக தோன்றும் பாடலைதான் முதல் நாள் படமாக்கினார்கள். ஏற்கனவே சிம்புவை வைத்து டைம் லூப் முறையில் மாநாடு படத்தை இயக்கியிருந்தார் வெங்கட் பிரபு. அந்த படம் வெற்றி பெற்ற நிலையில், தற்போது டைம் டிராவலை மையமாக வைத்து விஜய்- 68 வது படத்தை இயக்கி வருகிறார் .