வடிவேலு - பகத் பாசில் இணையும் மாரீசன்

மாரி செல்வராஜ் இயக்கிய மாமன்னன் படத்தில் இணைந்து நடித்த வடிவேலுவும், பகத் பாசிலும் அடுத்தபடியாக சூப்பர் குட் பிலிம்ஸ் தயாரிக்கும் படத்தில் மீண்டும் இணைந்துள்ளார்கள். கிருஷ்ணமூர்த்தி என்பவர் இயக்கும் இந்த படம், ஒரு நடுத்தர வயதை சார்ந்தவரும் , ஒரு இளைஞரும் நாகர்கோவிலில் இருந்து பொள்ளாச்சி வரை சாலையில் பயணம் செய்யும் போது ஏற்படும் அனுபவத்தை மையமாக கொண்ட காமெடி கலந்த கதையில் உருவாகிறது. யுவன் சங்கர் ராஜா இசை அமைக்கும் இந்த படத்திற்கு மாரீசன் என்று டைட்டில் வைக்கப்பட்டுள்ளதாக அதிகாரப்பூர்வமாக அறிவித்துள்ளார்கள். இப்படத்தின் மற்ற நடிகர் நடிகைகள் சம்பந்தப்பட்ட தகவல் அடுத்தடுத்து வெளியாகும் என்று தெரிகிறது.