ரீ ரிலீஸ்க்கு தயாராகும் பிரேமம் படம்!

கடந்த 2015ல் அல்போன்ஸ் புத்திரன் இயக்கத்தில் நிவின் பாலி, சாய் பல்லவி, மடோனா செபாஸ்டியன், அனுபமா பரமேஸ்வரன் ஆகியோர் முதன்மை கதாபாத்திரங்களில் நடித்து வெளிவந்த படம் 'பிரேமம்'. முழுக்க முழுக்க காதலை மையப்படுத்தி வெளிவந்த இப்படம் மலையாளத்தில் வெற்றி பெற்றதை தொடர்ந்து மலையாள பதிப்பில் சென்னையில் 100 நாட்கள் தியேட்டரில் ஓடியது.

சமீபகாலமாக தமிழில் ரீ ரிலீஸ் கலாசாரம் பெரிதளவில் பேசப்படுகிறது. இது தற்போது மலையாள சினிமாவில் தொடங்கியுள்ளது. முதற்கட்டமாக மலையாளத்தில் பிரேமம் படத்தை பிப்ரவரி மாதத்தில் ரீ ரிலீஸ் செய்வதாக அறிவித்துள்ளனர். மலையாள பதிப்பில் சென்னையில் ஒரு சில தியேட்டர்களில் பிரேமம் வெளியாகும் என தெரிவிக்கின்றனர்.