சிவகார்த்திகேயனின் அயலான் படத்தை பாராட்டிய ரஜினிகாந்த்

ரவிக்குமார் இயக்கத்தில் சிவகார்த்திகேயன், ரகுல் ப்ரீத் சிங், யோகி பாபு உள்ளிட்ட பலரது நடிப்பில் ஜனவரி 12ம் தேதி திரைக்கு வந்த படம் அயலான். ஏ.ஆர்.ரஹ்மான் இசையமைத்த இந்த படம் 75 கோடி வசூலித்திருப்பதாக அறிவிக்கப்பட்டுள்ளது. இந்நிலையில் சிவகார்த்திகேயன் அளித்துள்ள ஒரு பேட்டியில், அயலான் படத்தை பார்த்துவிட்டு ரஜினிகாந்த் தன்னை பாராட்டியதாக தெரிவித்திருக்கிறார்.

'நீங்கள் வித்தியாசமான கதைகளை தேர்வு செய்து நடிக்கிறீர்கள். வித்தியாசமான படங்களில் நடிப்பது எனக்கு மிகவும் பிடிக்கும்' என்று ரஜினிகாந்த் கூறியதாக அந்த பேட்டியில் தெரிவித்திருக்கிறார் சிவகார்த்திகேயன். அதையடுத்து ரஜினி இடத்தில் நீங்கள் நடித்த எந்திரன், 2.0 போன்ற படங்கள்தான் என்னை போன்றோருக்கு உந்துதலாக இருந்தது என்று நான் கூறியபோது, இப்போது உங்களைப் போன்றோர்தான் எங்களுக்கு உந்துதலாக இருக்கிறீர்கள் என்று ரஜினி கூறியதாகவும் அந்த பேட்டியில் தெரிவித்திருக்கிறார் சிவகார்த்திகேயன்.