கொச்சி மெட்ரோவில் பயணித்த ஏ.ஆர் ரஹ்மான்

ஏ.ஆர் ரஹ்மான் தமிழ், ஹிந்தி படங்களில் கவனம் செலுத்தியது போல மற்ற மொழிகளில் பெரிய அளவில் இசையமைத்தது இல்லை. நீண்ட இடைவெளிக்கு பின் பிரித்விராஜ் நடிப்பில் பிளஸ்சி இயக்கத்தில் உருவாகி வந்த ‛ஆடு ஜீவிதம்' என்கிற படத்திற்கு இசையமைக்க ஒப்புக் கொண்டதன் மூலம் மலையாளத்தில் மறுபிரவேசம் செய்துள்ளார் ஏ.ஆர் ரஹ்மான்.

வரும் மார்ச் 28ம் தேதி ஆடுஜீவிதம் படம் வெளியாக உள்ள நிலையில் சமீபத்தில் கொச்சிக்கு வருகை தந்த ஏ.ஆர் ரஹ்மான் இந்த படத்திற்கான பிரத்யேக வெப்சைட் ஒன்றை துவங்கி வைத்தார். அதைத் தொடர்ந்து கொச்சியை சுற்றிப் பார்த்த ஏ.ஆர் ரஹ்மான் கொச்சின் மெட்ரோவில் பயணம் செய்தார். ரசிகைகள் அவருடன் செல்பி எடுத்துக் கொண்டனர். இதுகுறித்த வீடியோ ஒன்று சோசியல் மீடியாவில் தற்போது வைரலாகி வருகிறது. ஆடுஜீவிதம் புரமோசனின் ஒரு பகுதியாகத் தான் ஏ.ஆர் ரஹ்மானின் இந்த மெட்ரோ பயணம் என்று கூட ஒரு தகவல் வெளியாகி உள்ளது.