சிவகார்த்திகேயன் - ஏ.ஆர்.முருகதாஸ் படத்தில் இணைந்த விக்ராந்த்!
ADDED : 482 days ago
தமிழ் சினிமாவில் ஆரம்ப காலகட்டத்தில் கதாநாயகனாக அறிமுகமானவர் விக்ராந்த். ஆனால் அவர் கதாநாயகனாக நடித்த படங்கள் பெரிதளவில் வெற்றி பெறவில்லை. கடந்த சில வருடங்களாக பாண்டிய நாடு, கெத்து, லால் சலாம், கவண் உள்ளிட்ட பல படங்களில் முக்கிய கதாபாத்திரங்களில் நடித்து வருகின்றார்.
தற்போது இயக்குனர் ஏ.ஆர். முருகதாஸ் இயக்கத்தில் நடிகர் சிவகார்த்திகேயன் தனது 23வது படத்தில் நடித்து வருகிறார். இதில் கதாநாயகியாக ருக்மணி வசந்த் நடிக்கின்றார். இதில் வில்லனாக வித்யூத் ஜம்வல் நடிக்கின்றார்.அனிரூத் இசையமைக்கும் இப்படத்தை ஸ்ரீ லஷ்மி மூவிஸ் நிறுவனம் தயாரிக்கின்றனர்.
இந்த நிலையில் இந்த படத்தில் முக்கிய கதாபாத்திரத்தில் நடிகர் விக்ராந்த் நடிக்க இணைந்துள்ளார் என படக்குழு அதிகாரப்பூர்வமாக அறிவித்துள்ளனர்.