விஜய் பிறந்த நாளில் ‛தி கோட்' பர்த்டே ஸ்பெஷல்! வெங்கட் பிரபு வெளியிட்ட பதிவு

வெங்கட் பிரபு இயக்கத்தில் விஜய் நடித்துள்ள கோட் படத்தின் படப்பிடிப்பு முடிவடைந்து இறுதி கட்டப் பணிகள் நடைபெற்று வருகிறது. யுவன் சங்கர் ராஜா இசையமைத்துள்ள இப்படத்தின் முதல் சிங்கிள் பாடல் வெளியான நிலையில், அடுத்தடுத்த அப்டேட்களை விஜய் ரசிகர்கள் எதிர்பார்த்துக் கொண்டிருக்கிறார்கள். அதற்காக இயக்குனர் வெங்கட் பிரபுவின் சோசியல் மீடியா கணக்கை நோக்கி படையெடுத்துக் கொண்டு இருக்கிறார்கள்.

இந்த நிலையில், வருகிற ஜூன் 22ம் தேதி விஜய்யின் 50வது பிறந்தநாள் என்பதால் அவரது ரசிகர்கள் இப்போதிருந்தே வாழ்த்துக்களை தெரிவிக்க தொடங்கி விட்டார்கள். இந்த நேரத்தில் வெங்கட் பிரபு தனது எக்ஸ் பக்கத்தில், விஜய்யின் பிறந்தநாளில் ‛தி கோட்' படத்தின் முக்கிய அப்டேட் ஒன்று வெளியாகும் என்று ஒரு பதிவு போட்டு உள்ளார். இதையடுத்து அன்றைய தினம் ‛தி கோட்' படத்தின் டீசர் வெளியாக வாய்ப்பிருப்பதாக விஜய் ரசிகர்கள் ஒரு செய்தியை வைரலாக்கி வருகிறார்கள்.