கூலி படத்தில் ரஜினிக்காக லோகேஷ் கனகராஜ் செய்துள்ள மாற்றம்!

ஞானவேல் இயக்கி உள்ள வேட்டையன் படத்தில் நடித்து முடித்திருக்கிறார் ரஜினிகாந்த். இப்படம் வருகிற அக்டோபர் பத்தாம் தேதி திரைக்கு வருகிறது. இதையடுத்து லோகேஷ் கனகராஜ் இயக்கும் கூலி படத்தில் நடிக்கிறார் ரஜினி. இப்படத்தில் ரஜினியுடன் சத்யராஜ், அபிராமி, ஸ்ருதிஹாசன் உள்ளிட்ட பலரும் முக்கிய வேடங்களில் நடிக்கிறார்கள். மேலும், ஆக்சன் கதையில் உருவாகும் இந்த படத்தை சென்னை மற்றும் ஹைதராபாத் என இரண்டு லொகேஷன்களில் மொத்த படத்தையும் படமாக்கி முடிக்க திட்டமிட்டு இருக்கிறார் லோகேஷ் கனகராஜ்.

அதோடு இப்படத்தில் அதிகப்படியான சண்டைக் காட்சிகள் இருந்தாலும் தற்போது ரஜினிக்கு 73 வயது ஆகிறது என்பதால் அவரை அதிகப்படியாக வறுத்தி எடுக்காமல் தொழில்நுட்பத்தை பயன்படுத்தும் சண்டைக் காட்சிகளை அதிரடியாக படமாக்கவும் அவர் திட்டமிட்டிருப்பதாக தகவல்கள் வெளியாகியுள்ளன.