கூலி படப்பிடிப்பிற்காக ஐதராபாத் வந்த ரஜினியை அழைத்துச் சென்ற மோகன்பாபு

லோகேஷ் கனகராஜ் இயக்கத்தில் ரஜினிகாந்த் நடிக்கும் கூலி படம் குறித்த அறிவிப்பு கடந்து சில மாதங்களுக்கு முன்பே அறிவிக்கப்பட்டது. இதற்கிடையே இந்த படத்திற்காக வெளியிடப்பட்ட டீசரும் இந்த படத்தின் மீதான ரசிகர்களின் ஆர்வத்தை தூண்டி விட்டுள்ளது. கடந்த மாதமே இந்த படத்தின் படப்பிடிப்பு துவங்க வேண்டிய நிலையில் ஒரு சிறிய தாமதத்திற்கு பிறகு இன்று முதல் ஐதராபாத்தில் இந்த படத்தில் படப்பிடிப்பு துவங்கி உள்ளது.

இதற்காக சென்னையிலிருந்து நேற்று கிளம்பி ஐதராபாத் விமான நிலையம் வந்தார் ரஜினிகாந்த். பிரபல தெலுங்கு சீனியர் நடிகரும் ரஜினிகாந்தின் நெருங்கிய நண்பருமான மோகன்பாபு விமான நிலையத்திற்கு நேரில் வந்து ரஜினிகாந்தை வரவேற்று தனது வீட்டிற்கு அழைத்துச் சென்றார். இது குறித்த வீடியோ ஒன்று தற்போது சோசியல் மீடியாவில் வெளியாகி வைரலாகி வருகிறது.