யோகி பாபுவின் 'போட்' படத்தின் டிரைலர் வெளியானது!

இம்சை அரசன் 23ம் புலிகேசி, அறை எண் 305ல் கடவுள், இரும்பு கோட்டை முரட்டு சிங்கம், புலி உட்பட பல படங்களை இயக்கியவர் சிம்புதேவன். இவர் தற்போது யோகி பாபு நடிப்பில் ‛போட்' என்ற படத்தை இயக்கியுள்ளார். ஆகஸ்ட் மாதம் 2ம் தேதி திரைக்கு வரவுள்ள இந்த படத்தின் டிரைலர் தற்போது வெளியாகி இருக்கிறது. ஆங்கிலேயர் காலத்தில் நடந்த உண்மை சம்பவத்தை மையமாக கொண்ட கதையில் உருவாகியுள்ள இந்த படத்தில், ஆங்கிலேயர்களின் அடக்கு முறையில் இருந்து தப்பித்து, பத்து பேர்களை தனது போட்டில் அழைத்துக் கொண்டு வங்காள விரிகுடா கடலில் பயணிக்கிறார் யோகி பாபு. அப்போது அவர்களுக்கிடையே நடக்கும் சுவாரசியமான நிகழ்வுகள்தான் இந்த படம் என்று எக்ஸ் பக்கத்தில் ஒரு பதிவு போட்டுள்ளார் இயக்குனர் சிம்பு தேவன்.