ஜூலை 22ம் தேதி துவங்கும் கவின், நயன்தாரா படம்
ADDED : 454 days ago
நடிகர் கவின் நடித்து சமீபத்தில் வெளிவந்த 'ஸ்டார்' திரைப்படம் சுமாரான வரவேற்பைப் பெற்றது. இதையடுத்து அவர் கைவசம் ‛கிஸ், மாஸ்க்' ஆகிய படங்கள் உள்ளன. இந்த படங்களை முடித்த பின் இயக்குனர் லோகேஷ் கனகராஜின் உதவி இயக்குனர் விஷ்ணு எடவன் இயக்கத்தில் கவின் கதாநாயகனாக புதிய படத்தில் நடிக்கவுள்ளார். அவர் உடன் இணைந்து நயன்தாராவும் நடிக்கவுள்ளார். இதனை செவன் ஸ்கிரீன் லலித் தயாரிக்கின்றார் என ஏற்கனவே தகவல் வெளியானது. இந்த நிலையில் இதன் படப்பிடிப்பு இம்மாதம் வருகின்ற ஜூலை 22ம் தேதி சென்னையில் துவங்குவதாக தகவல் வெளியாகியுள்ளது.